ვიქტორია კორპუსს ამშვენებს დიდი ვიტრაჟული ფანჯარა, 4.5 x 9 მ ფარშევანგის გამოსახულებით, რომელიც არ არის მხოლოდ ფანჯარა, ის ასევე საათის ფუნქციას ასრულებს. ფარშევანგის12 ბუმბულიანი კუდი ეს არის საათების მაჩვენებელი ციფერბლატი, ხოლო ექვსი ფირუზისფერი სეგმენტი კი წუთების მაჩვენებელი. საათის ქანქარა-ესაა ფარშევანგის ქოჩორი. დღესასწაულების გარდა, ჩვეულებრივ დღეებში საათი არ ირთვება, მხოლოდ ღამის განათება მუშაობს. ფარშევანგის გამოსახულებას არა მხოლოდ გარე ფასადზე არამედ საპრეზიდენტო ნომერშიც შენიშნავთ, რომელიც საძინებლის შესასვლელ კარებს ამშვენებს.

ღია პანორამული აუზი, რომელიც ივსება ზღვის წყლით ერთადერთია საქართველოში. აუზი, რომელიც კასტელო მარეს სავიზიტო ბარათია, განთავსებულია ზღვასთან მდებარე კლდის ფერდობზე. მისი სიგრძე 29 მეტრზე მეტია, ხოლო სიღრმე 1.6 მეტრია. ნებისმიერ ამინდში შესაძლებელია შეცუროთ აუზში და დატკბეთ ზღვის ხედებით. ციხისძირის სანაპირო ზოლი გადაჰყურებს დასავლეთს, ხოლო მზის ჩასვლისას მზე ჩადის ჰორიზონტის ცენტრში. ამ დამთხვევის გამო, აქ სადაც მზე, ცა და ზღვა ერწყმის ერთმანეთს, მზის ჩასვლა, წარმოუდგენლად ლამაზია.

„ციხისძირი“ როგორ სიტყვიდან გვესმის აღნიშნავს ციხესიმაგრის ძირს. სასტუმრო და გამაჯანსარებელი კომპლექსი ‘’კასტელო მარე’’-სგან სულ რაღაც 800 მეტრში კი მდებარეობს ‘’პეტრას ციხესიმაგრე’’. აქ ძველ დროში ლაზები ცხოვრობდნენ და გადიოდნენ სავაჭრო მარშრუტებით. მე -6 საუკუნეში ბიზანტიის იმპერატორმა იუსტინიანემ ააშენა "პეტრას ციხე", მაგრამ ნახევარი საუკუნის შემდეგ თავად ბიზანტიელებმა გაანადგურეს ის სპარსელებთან ომის დროს. 150 წლის წინ ციხისძირი მონაწილეობდა 1877 წლის რუსეთ-თურქეთის ომში. ამის შესახებ მოხსენებულია დიდების სვეტზე, რომელიც მდებარეობს სანქტ-პეტერბურგში.

- ციხისძირის კლდის სიმაღლე 24 მეტრია. 110 წლის წინ მის კიდეზე აშენებული იყო სკარჟინსკის დასასვენებელი სახლი „კასტელო მარე“. აივანი გადაჰყურებდა ზღვას, ბაღი კი გარშემორტყმული იყო მაღალი ქვის კედლით. ლეგენდის თანახმად სკარჟინსკიმ წააგო ეს სახლი კარტში თამაშისას ქუთაისელ მეღვინე ანანოვთან. მე-20 საუკუნეში სახლი გადაკეთდა საბჭოთა კავშირის პანსიონატად სახელად „ნაუკა“, მისი შენარჩუნება კი ვერ მოხერხდა. ოდესღაც, პანსიონატის გვერდით ქვის სკამზე ისხდნენ სტალინის და ლენინის სკულპტურები.

ციხისძირში იშვიათად ეცემა ტემპერატურა 0 გრადუსზე ქვემოთ და იშვიათად თოვს. თუმცა როცა ეს ხდება 2-3 დღით მზიანი სამოთხე ემსგავსება ზამთრის ზღაპარს. ცვივა თოვლის დიდი ფანტელები, ხოლო თოვლის საფარმა შესაძლოა მიაღწიოს რეკორდულ მაჩვენებელს - 50 სანტიმეტრს. თუკი სტუმრებს გაუმართლეთ და მოხვდებიან ამ ადგილას თოვლის დროს, ეს საუკეთესო დრო იქნება განსაკუთრებული ფოტოების გადასაღებად, ან ასეთ სუსხიან ამინდში თავს განსაკუთრებულად კომფორტულად იგრძნობენ ჩვენს ცხელ „ოტიუმ სპა“-ში.

ციხისძირის კლდეში არის გამოქვაბული. თუმცა იქ სანაპიროდან მოხვედრა არ შეიძლება. როცა არ არის ღელვა უნდა შეცუროთ კლდიდან 10-15 მეტრი. მზიან ამინდში შესაძლებელია დაიჭიროთ მიდიები და კეფალი. ზღვაში არსებული დიდი ქვები სანაპიროდან 20 მეტრში ჩამოშორდნენ კლდეს ათასი წლის წინ. სიღრმე იქ დაახლოებით 3 მეტრია. უშიშრები ძვრებიან და ყვინთავენ, თუმცა ეს არ არის უსაფრთხო. ჩვენი როტონდიდან,რომელიც 17 მეტრის სიმაღლეზეა, შესაძლებელია გაიგონოთ და დაინახოთ როგორ ეხეთქებიან ტალღები კლდეს.

ოქტომბერში და ნოემბერში ციხისძირის ბაღები იღებებიან განსაცვიფრებელ ფერებში. ყველაზე მკვეთრად კი ნარინჯისფერი იკვეთება, მანდარინებით. ისინი იზრდებიან კომპლექსის ირგვლივ ხეებზე, საფეხმავლო ბილიკებზე. ხეებს უვლიან და ყოველწლიურად იღებენ მოსავალს. შემოდგომით კომპლექსის სტუმრებს შესაძლებლობა აქვთ დააგემოვნონ მანდარინები. სუბტროპიკული კლიმატი არა მხოლოდ მანდარინებისთვისაა, აქ იზრდება ევკალიპტი და უნიკალური საუკუნოვანი ხეები, ხოლო ბათუმის ბოტანიკურ ბაღამდე სულ რაღაც 15 წუთის გზაა.

სასტუმრო და გამაჯანსაღებელი კომპლექსი „კასტელო მარე“ გამოირჩევა სხვა დანარჩენი სასტუმროებისგან თავისი ისტორიით, უნიკალურობით და მშენებლობის ხარისხით. ეს საკურორტო ზონა 20 წლის განმავლობაში ჩამქრალი, ჩვენ შევქმენით ხელახლა, აუჩქარებლად და დიდი სიყვარულით, როგორც ეს წარსულში იყო მიღებული. მშენებლობა ამ დიდ კლდეზე 6 წლის განმავლობაში მიმდინარეობდა მოქმედი რკინიგზის ფონზე და დღეს მატარებელი სასტუმროს ქვეშ მოძრაობს 150 მეტრიან გვირაბში.
ტერიტორიაზე შემორჩენილია ყველა საუკუნოვანი ხე, ბამბუკის ხეივანი და ქვის კედლის საყრდენი. სასტუმროს საზეიმო გახსნა 2016 წლის 25 ივნისს შედგა. 

ციხისძირის სანაპირო გადაჭიმულია 2 კმ-ზე სოფელი ბუკნარის მიმართულებით. პატარა კენჭების დამსახურებით, ზღვის წყალი აქ ყოველთვის სუფთაა. 30 წლის წინ აქ ფუნქციონირებდა რამოდენიმე სანატორიუმი და დასასვენებელი სახლი, ბანაკი. ახლა ეს სანაპირო ერთ-ერთი ყველაზე სუფთა და თავისუფალია. აგვისტოში ბათუმსა თუ ქობულეთშიიმდენად გადატვირთული სანაპიროებია „ვაშლის ჩაგდებაც კი გაგიჭირდებათ“ , მაგრამ აქ თქვენ შეგიძლიათ თავისუფლად აირჩიოთ ადგილი და დატკბეთ ბათუმის სილუეტის ცქერით. სანაპიროზე ეშვება დახრილი ლიფტი, 89 მეტრ მანძილზე, რომლის ანალოგიც ჯერ არ შექმნილა, ხოლო ქვემოთ სანაპიროზე ჩასვლისას დაგხვდებათ ბარი.